Зæххыл алы хорздзинад дæр ныййарæг мады тавсæй æмæ сылгоймаджы уарзондзинадæй кæй цæуы, уымæ гæсгæ уалдзæг сымахæн арфæтæй дзæгъæлы нæ райдайы. Сылгоймагыл æвæрд ис æвæджиауы хæстæ — уарзын æмæ уарзон уæвын, къонайы хъарм хъахъхъæнын, ног царды амонд лæвар кæнын. Не 'нæнцой цард хайджын кæнут рæсугъддзинадæй æмæ сфæлдыстады арфæйаг хъаруйæ.
Нæлгоймæгты æмрæнхъ куыстады фæллой кæнгæйæ, спортивон æнтыстдзинæдтæ æвдисгæйæ æмæ Гæрзифтонг тыхты службæ кæнгæйæ, сылгоймаг нырыккон царды ахсы сæйраг бынат. Уæрæсейæгты æппæт фæлтæрты рæзтæн фадæттæ аразæг сылгоймæгтæ нымад сты æхсæнады размæцыдæн ахъазгæнæг тыхтæй иуыл. Бæстæйы (уыимæ - нæ республикæйы дæр) пенсион ифтонгады къабазы кусджыты фылдæр хай дæр сты сылгоймæгтæ.Удуæлдай фæллойы тыххæй адæм кад кæмæн кæнынц, уыцы сылгоймæгтæ-ветерантæн сæрæй ныллæг кувæм!
Зынаргъ сылгоймæгтæ! Сымах фæрцы æмбæлы цæрын æмæ фæллой кæнын! Фыдбылызтæй уæ чи бахиздзæн æмæ уыл æнувыд чи у, уадз æмæ уæ алкæйы раз дæр ахæм нæлгоймаг уа! Нæ зынаргъ ныййарджытæ, нанатæ, хотæ, цардæмбæлттæ æмæ чызджытæ! Мæ зæрдæ уын зæгъы амонд, уарзондзинад æмæ хæлардзинад! Уæ уарзондзинады, уды тавсы, æххуысы, куырыхондзинад æмæ фæразондзинады тыххæй уын — бузныг!
